Isoqov Ahrorbek Sultonboy o’g’li 1
DOI: https://doi.org/10.5281/zenodo.17319978
Google scholar:
Zenodo community: https://zenodo.org/records/17319978
Nordic_press journal:
MAQOLANI YUKLAB OLISH
SERTIFIKATNI YUKLAB OLISH
TAQRIZ:
Isoqov Ahrorbek Sultonboy o‘g‘lining “G‘ijjak sinfida o‘quvchilar motivatsiyasini oshirishning samarali usullari: yosh ijrochilar bilan ishlashda ruhiy-psixologik yondashuv” nomli ilmiy maqolasi musiqiy ta’lim sohasida, xususan, an’anaviy cholg‘ularni o‘qitish jarayonida motivatsiyani shakllantirishga bag‘ishlangan dolzarb va amaliy ahamiyatga ega tadqiqotdir.
Maqolada g‘ijjak sinfida ta’lim olayotgan o‘quvchilarning ichki rag‘batini kuchaytirish, ularning musiqiy faoliyatga bo‘lgan qiziqishini oshirish hamda ruhiy-psixologik yondashuv orqali ijodiy faolligini rivojlantirish masalalari keng yoritilgan. Muallif o‘qituvchi va o‘quvchi o‘rtasidagi psixologik muhitning ahamiyatini chuqur tahlil qilgan hamda motivatsiyani oshirishda shaxsga yo‘naltirilgan va individual yondashuvning o‘rni ilmiy asosda ochib berilgan.
Maqolaning ilmiy va uslubiy ahamiyatini oshiruvchi jihat – unda Sharq mutafakkirlarining (Farobiy, Ibn Sino, Jomiy, Safiuddin al-Urmaviy) musiqaga oid qarashlari bilan zamonaviy pedagogik yondashuvlar o‘rtasidagi uzviylikni ko‘rsatib berganidir. Bu esa tadqiqotga falsafiy va tarixiy asos beradi.
Muallifning tahlillarida quyidagi metodik yechimlar alohida e’tiborga loyiq:
o‘quvchilarni rag‘batlantirish va individual yondashuv asosida o‘qitish;
axborot texnologiyalaridan (video darslar, mobil ilovalar, audio tahlil) samarali foydalanish;
konsert va ijodiy chiqishlar orqali o‘quvchilarda sahna tajribasini shakllantirish;
guruhli mashg‘ulotlar va o‘zaro baholash orqali ijtimoiy faollikni rivojlantirish;
ota-onalar bilan hamkorlikni yo‘lga qo‘yish orqali o‘quvchining doimiy motivatsiyasini ta’minlash.
Ushbu yondashuvlar musiqiy ta’limda, ayniqsa, bolalar bilan ishlash jarayonida motivatsiyani shakllantirishning amaliy mexanizmlarini taklif etadi. Maqolada muallif o‘z pedagogik tajribasiga tayanib, ruhiy-psixologik yondashuvning samaradorligini asoslab bergan.
Tadqiqot tili sodda, tushunarli va ilmiy uslubga mos. Fikrlar izchil, mantiqan bog‘langan, amaliy tavsiyalar esa aniq va hayotiy.
Xulosa o‘rnida aytish mumkinki, maqola milliy musiqa ta’limini rivojlantirish, g‘ijjak sinfida dars samaradorligini oshirish hamda o‘quvchilarning ijodiy faolligini kuchaytirishda muhim ilmiy-metodik manba bo‘lib xizmat qiladi.
Taqrizchi tavsiyasi:
Maqola ilmiy jihatdan asosli, metodik tavsiyalari amaliy ahamiyatga ega bo‘lgani sababli ilmiy jurnalda chop etish uchun tavsiya etiladi.
