Shoyqulov Baxtiyor Bakirovich 1
DOI: https://doi.org/10.5281/zenodo.17331110
Google scholar:
Zenodo community: https://zenodo.org/records/17331110
Nordic_press journal:
MAQOLANI YUKLAB OLISH
SERTIFIKATNI YUKLAB OLISH
TAQRIZ:
Shoyqulov Baxtiyor Bakirovichning “Sifatli kasbiy ta’lim – mehnat bozori talablariga javob beruvchi mutaxassislar tayyorlash kafolati” nomli maqolasi zamonaviy ta’lim tizimining eng dolzarb yo‘nalishlaridan biri — kasbiy ta’lim sifatini oshirish va uni mehnat bozori talablariga moslashtirish masalalariga bag‘ishlangan.
Maqolada muallif kasbiy ta’limning mohiyati, uning iqtisodiy taraqqiyotdagi o‘rni hamda inson kapitalini shakllantirishdagi strategik ahamiyatini chuqur ilmiy tahlil qilgan. Xususan, O‘zbekistonda kasbiy ta’lim tizimini modernizatsiya qilish bo‘yicha amalga oshirilayotgan islohotlar, Prezident farmonlari, hukumat qarorlari va xalqaro tajribalarni o‘zaro solishtirish asosida muhim xulosalar berilgan.
Muallif o‘z tadqiqotida Germaniya, Finlyandiya, Janubiy Koreya, Turkiya kabi davlatlarning ilg‘or dual va modulli ta’lim tizimlarini tahlil qilib, ularni milliy sharoitga moslashtirish bo‘yicha amaliy tavsiyalar ishlab chiqqan. Ayniqsa, “investor – tarmoq – texnikum” tamoyili asosida tashkil etilayotgan dual ta’lim mexanizmining samaradorligi aniq dalillar bilan asoslab berilgan.
Maqolada xalqaro ta’lim dasturlarining (jumladan, “BTEC” modeli) O‘zbekistonda joriy etilishi, bu jarayonda mavjud muammolar — pedagog kadrlar salohiyatining yetishmasligi, moddiy-texnik baza va metodik ta’minotning cheklanganligi — tahlil qilinib, ularni bartaraf etish yo‘llari taklif etilgan. Shuningdek, mehnat bozori talablariga mos o‘quv dasturlarini ishlab chiqish, ish beruvchilar bilan hamkorlikni kuchaytirish va xalqaro standartlarga mos kadrlar tayyorlashning metodik asoslari yoritilgan.
Maqolada bayon etilgan ilmiy tahlillar, xorijiy tajribalarni milliy amaliyotga tatbiq etish bo‘yicha takliflar, kasbiy ta’lim tizimini yanada samarali tashkil etish uchun muhim nazariy va amaliy ahamiyatga ega. Tadqiqotda muallif tomonidan ilgari surilgan xulosalar aniq dalillar, qonuniy asoslar va statistik ma’lumotlar bilan mustahkamlangan bo‘lib, maqola ilmiy uslubda, mantiqiy izchillikda bayon etilgan.
Xulosa:
Mazkur maqola O‘zbekiston ta’lim tizimida sifatli kasbiy ta’limni rivojlantirish, uni mehnat bozori ehtiyojlariga uyg‘unlashtirish hamda raqobatbardosh mutaxassislar tayyorlashga doir dolzarb ilmiy va amaliy tavsiyalarni o‘z ichiga olgan.
Maqola ilmiy yangiligi, metodik asoslanganligi va amaliy ahamiyati jihatidan e’tiborga loyiq bo‘lib, ilmiy nashrda chop etish tavsiya etiladi.
