Suyunova Oysanam Orif qizi 1
DOI: https://doi.org/10.5281/zenodo.17332035
Google scholar:
Zenodo community: https://zenodo.org/records/17332035
Nordic_press journal:
MAQOLANI YUKLAB OLISH
SERTIFIKATNI YUKLAB OLISH
TAQRIZ:
Mazkur maqola ayol va qizlarning ta’lim olish hamda kasbga yo‘naltirilishida andragogik yondashuvning o‘rniga bag‘ishlangan bo‘lib, bugungi kunda juda dolzarb masalani yoritadi. Muallif andragogikaning nazariy tamoyillariga tayanib, ayol va qizlarning shaxsiy tajribasi, qiziqishlari va ehtiyojlarini hisobga olgan holda o‘qitishning samarali usullarini tahlil qilgan.
Maqolada zamonaviy pedagogik va innovatsion metodlar — raqamli texnologiyalar, interaktiv o‘quv usullari, mentorlik dasturlari — yordamida ayol va qizlar uchun yangi ta’lim va kasb yo‘nalishlarini yaratish strategiyalari bayon etilgan. Tadqiqotda analitik, eksperimental va so‘rovnoma metodlaridan foydalanilib, ayol va qizlarning bilim, ko‘nikma va motivatsiyasidagi o‘zgarishlar raqamli tahlillar orqali ko‘rsatib berilgan.
Natijalarga ko‘ra, andragogik yondashuv asosida o‘tkazilgan mashg‘ulotlar ishtirokchilarning kasbiy bilim va amaliy ko‘nikmalarini 30–35 foizgacha oshirgan, shuningdek ularning mustaqil qaror qabul qilish, kasb tanlash va ijtimoiy faollik darajasini sezilarli yuksaltirgan. Bu esa andragogikaning ayol va qizlar ta’limida amaliy natija beruvchi samarali yondashuv ekanligini isbotlaydi.
Maqolaning ilmiy yangiligi shundaki, unda andragogik yondashuv asosida ayol va qizlar uchun ta’lim va kasbiy yo‘nalishlarni yaratishning konkret strategiyasi ishlab chiqilgan hamda tajriba asosida isbotlangan.
Umuman olganda, maqola mazmunan boy, ilmiy-uslubiy jihatdan puxta yozilgan bo‘lib, ta’lim tizimida gender tengligini ta’minlash va ayol-qizlarning kasbiy rivojlanishini qo‘llab-quvvatlash yo‘lida muhim ilmiy va amaliy ahamiyatga ega.
Xulosa:
Suyunova Oysanam Orif qizining ushbu maqolasi o‘zining yangiligi, amaliy ahamiyati va dolzarbligi bilan ajralib turadi. Unda ilgari surilgan g‘oyalar ayol va qizlarning ta’limdagi ishtirokini kengaytirish hamda ularning kasbiy salohiyatini rivojlantirish uchun foydali yo‘nalishlarni taklif etadi. Mazkur ishni ta’lim sohasi mutaxassislari, pedagoglar va gender tengligi bo‘yicha tadqiqotchilar uchun tavsiya etish mumkin.
