Turanova Оrtiqoy Gulmurod qizi 1, Yuldoshev Umidjon Yuldoshevich 2
DOI: https://doi.org/10.5281/zenodo.17332383
Google scholar:
Zenodo community: https://zenodo.org/records/17332383
Nordic_press journal:
MAQOLANI YUKLAB OLISH
SERTIFIKATNI YUKLAB OLISH
TAQRIZ:
Mazkur maqola inson salomatligi va ruhiy holatiga musiqaning ijobiy ta’siri, musiqa terapiyasining kelib chiqishi, rivojlanish tarixi hamda uning zamonaviy tibbiyotdagi o‘rni haqida yozilgan ilmiy izlanish natijalarini o‘z ichiga oladi.
Mualliflar qadimdan buyon musiqaning shifobaxsh kuchi to‘g‘risida fikr yuritgan allomalar — Ibn Sino, Beruniy, Aristotel, Platon singari mutafakkirlarning qarashlarini tahlil qilib, ularni zamonaviy ilmiy yondashuvlar bilan bog‘lay olganlar. Shuningdek, maqolada musiqa terapiyasining neyrobiologik va psixologik asoslari, miya faoliyatiga ta’siri, stress, depressiya va uyqusizlikni kamaytirishdagi roli haqida ilmiy dalillar keltirilgan.
Maqolada o‘zbek xalqining maqom va milliy kuy-qo‘shiqlarining ruhiy tinchlantiruvchi xususiyatlari alohida yoritilgan. Ayniqsa, maqom san’atining inson kayfiyatiga, asab tizimiga, ruhiy barqarorlikka ijobiy ta’siri haqida keltirilgan fikrlar ilmiy va amaliy jihatdan asosli.
Mualliflar xorijiy tajribalarni (Germaniya, AQSh, Rossiya) ham tahlil qilib, musiqa terapiyasining xalqaro miqyosda rivojlanish jarayonini ko‘rsatganlar. Bu yondashuv maqolaga keng ilmiy ko‘lam beradi va uni zamonaviy psixologiya hamda tibbiyot fanlari bilan bog‘laydi.
Maqolaning uslubiy jihatdan yutug‘i shundaki, unda tarixiy manbalar, ilmiy tadqiqotlar va zamonaviy yondashuvlar uyg‘un holda bayon qilingan. Tildagi soddalik va ilmiy mantiq maqolani o‘qish va tushunishni osonlashtiradi.
Xulosa qilib aytganda, maqola dolzarb, ilmiy asoslangan va amaliy ahamiyatga ega bo‘lib, musiqa terapiyasining inson ruhiy salomatligidagi o‘rni va ahamiyatini chuqur yoritib beradi. Ushbu maqola musiqiy-pedagogik yo‘nalishdagi talabalarga, psixologlar va san’atshunoslarga, shuningdek sog‘lom turmush tarzini targ‘ib qiluvchi mutaxassislarga foydali ilmiy manba sifatida tavsiya etiladi.
